富士山55~數一數二的香港沾麵

星期日0既午餐如無意外多數都會係尖沙咀進行

今日也不例外

到了一間之前就已經很喜歡的沾麵店潮聖

本來想試他的期間限定 "海膽沾麵"

可惜已經完了...

一場0黎到就食下之前已經試過的濃香櫻花蝦沾麵吧

水準依舊! 因為一個人的關係, 就被安排了坐在吧枱之上

望著師傅們努力地一碗又一碗的用心制作

吃著....又有另一番風味

沾麵與拉麵我個人比較喜歡沾麵

除了我比較怕熱外

係因為沾麵質地較硬身

更能顯出麵的味道

可惜食沾麵有個壞處就係湯會比較易冷卻

所有0野都變得油油膩膩的

係度食沾麵就唔怕有哩個問題

因為每個位上都有個電熱板比你隨時加熱冷卻了的沾麵湯!

你喜歡食住加又得, 加住食又得

很細心的安排呢!!

唔夠飽唔緊要!!

哩度仲有個OPTION比你

就係加飯加芝士係你用剩0既沾麵湯入面加熱

之前我試過一次真係好好味

但......

我還未想爆肚而死

所以如果得自己0黎

還是想也別想吧

吃罷沾麵, 休息一下就準備星期日的下半場好了

唔知遲D會唔會有番海膽沾麵呢?

很期待呢!

富士山55 (拉麵沾麵專門店)

Fujiyama 55

尖沙咀麼地道75號南洋中心地下7-8號

權八居酒屋 Gonpachi ~ 為甜品也藉得來的居酒屋

已經第幾次0黎權八呢?

哩間係朋友0既心水飯堂

慢慢都變成我地相聚0既落腳點

今次係我地0既午間小聚

平時晚市人比較多都好小可以影到餐廳入面0既裝潢

其實都真係幾有心思

怪唔得好多荷里活明星都係日本總店常客

前菜係菜salad

其實有講過係咩菜, 但我已經唔記得啦

只係苦苦地食落有點像火箭菜般

配日式芝麻醬都唔錯!

朋友唔喜歡,店員則以蕃茄作替換

名店服務果然有水準

旁邊0既係菠菜伴雜菌

配芝麻伴食,是個很好的前菜!

無記錯哩個個名好似叫富士鍋

顧名思義,應該係D豚肉砌到好似富士山一樣

(一切都係我自己想像0既 XDD)

佢0既醬汁伴以韓式泡菜真的很下飯!

串燒定食

左邊起 : 雞 / 豬 / 牛 / 露荀豬肉卷 / 杏包菇 (看不出吧!) / 秋葵

0黎權八能不吃他的名物...串燒嗎?

牛肉由其出色!

真有入口即溶的感覺

而且吃得出有炭火的味道

人家貴都唔係無原因架....

壽司定食

看見那toro的魚油正向你揮手嗎?

看見油甘的光澤向你呼喚嗎?

一口就將他們吞掉太可惜了吧

(可是我還是這樣做了...哈哈)

南瓜椰汁白玉子

每次都叫我們驚艷的甜品!

香滑的南瓜蓉與軟糯的小丸子配合得天衣無縫

加上北海道十勝紅豆的甜與椰汁的香

為此甜品加上了不小的分數

最妙0既係加入香脆可口0既杏仁片在當中

的確令人一試難忘!

因此我們每次都一定以此作為我們在權八用餐的句號!

難怪連胡廸都要0黎分一杯羹!

就在這輕鬆愉快的氣氛下又完成了一次的權八之旅!

朋友們...我們還未試權八另一名物...手打冷蕎麥麵!

又有再來用餐的藉口了!

權八居酒屋

Gonpachi

銅鑼灣恩平道28號利園一期4樓

4/F, Lee Garden One, 28 Yun Ping Road, Causeway Bay

聚友棧~西貢的隱世鮮味

家人生日, 哥哥話朋友介紹哩間西貢餐廳值得一試

就一家總動員由四方八面到西貢嘗嘗鮮!

有些菜色要一早預訂的啊!!

冰震鮮鮑魚

哥哥話哩款係必叫菜色之一

果然入口煙韌又不失鮑魚鮮味

可多吃一隻嗎?

若配以泰酸辣汁.....

此味只應天上有, 真的一點也不為過

海南雞

係OPENRICE話哩度最出名

所以就臨時加點半隻試試味

又真係幾滑噃!

蒜蓉粉絲蒸貴妃蚌

海鮮夠新鮮, 簡簡單單0既煮法

就已經鮮味無比

豉油皇煎蝦碌

對蝦煎得岩岩離殼

其實都唔需要點剝殼就見到白雪雪的蝦肉

岩晒我家的懶鬼小公主

牛油扇貝

顏色已相當吸引

而且牛油香味撲鼻

剩係食三色椒同洋蔥都很下飯!!

一點汁也不想浪費呢!

海鮮翠塘蒸豆腐

真係好滑!!

連平時唔食海鮮0既媽媽都讚不絕口

還有可挑剔的地方嗎?

避風塘賴尿蝦

夠乾身, 唔會只得一堆殼

仲有蝦膏係蝦肉中間

配上香香辣辣的炸蒜

小二, 0黎多一碟唔該!!

(小姐, 你仲有好多菜未上呀!)

薑蔥炒蟹

蟹係我的最愛!!

哩隻蟹D肉食得出好新鮮

又白又結實!

此店食材果然新鮮見稱絕不假

最後0既艇仔粉

看似普通嗎?

非也,,,,,

試過一口, 包你明白為何此為鎮店之寶!!

本來我們無緣試此菜

因粉仔早就賣完

老闆見我們熱烈的為食眼神

就用銀針粉代替粉仔給我們嘗嘗鮮

果然!! 好味到不得了

為此粉再來一次西貢我也沒有所謂!

當中有肉碎, 冬孤, 蝦米仔, 蔥花, 還有香口的菜圃碎...

每一口粉都充滿著鮮味

就算之前的海鮮如何出色

這鍋粉也絕不會被比下去!

信我, 不叫這鍋粉仔你會很後悔的!!

有機會到西貢就試試放棄大街上的老招牌

向橫街窄巷的隱世美味進發吧!!

聚友棧

西貢西貢大街1號地舖

牛陣~很久沒有來了

朋友話好想打邊爐

但佐敦區間間叫做好味D0既火鍋都要大排長龍

最後揀無可揀之下

就幫襯下這老朋友

牛陣

記得牛陣岩岩到香港時

的確驚為天人....

小小的價錢就有優質牛肉可食

還有出面的多樣蔬菜選擇

確係一個祟日的好地方

慢慢同類型的餐廳也越開越多了

0黎牛陣0既次數也越0黎越小

更何況我本人還是較喜歡港式火鍋

湯底變化多, 食物亦多選擇

一別多年.....牛肉的質素真的不及以前了

連SO CALLED的日本豚肉竟比我塊面還鞋.....

而且更犯了一個最不能接受的毛病....

"有雪味"!!!

吃罷這盤, 就已經沒有再ORDER的勇氣了

幸好還有這H字頭的雪糕安慰一下

有四種味道選擇

連較新的皇家奶茶及我最愛的士多啤梨也有

另外就係比利時朱古力及薄荷朱古力

都係我最LIKE架

(小姐....不要係雪糕你都LIKE好唔好?)

哈哈...

就當0黎食雪糕放題好了

牛陣

Gyujin Shabu Shabu & Sukiyaki Restaurant

佐敦彌敦道219號莊士倫敦廣場地庫1層

Cafe 1950~放工後的優閒晚餐

陪朋友到屯門，餐廳門口裝飾頗吸睛！

而且餐牌選擇係那種"總有一款岩你心水"的感覺！

今天晚餐就這裡吧！

朋友知我對生蠔情有獨鍾，見餐廳正推介生蠔拼盤，就叫此作今晚的前菜！

一盤有六隻共三款，已經唔記得名啦，只記得細隻最鮮甜，大隻最滿足！

可媲美城市超級level....讚！

但若然開蠔技術能再提升，小D碎殼就perfect啦。

跟朋友看著餐牌，真的想每款也給我來一客！

對於有選擇困難症的我，真係好痛苦。

餐牌上有分小食類，意粉飯類，韓式鍋類.....還有餐廳推介！

最後我們選了兩款小食同兩款餐廳推介，一於將卡路里拋緒腦後，

抱住唔食飽那有力氣減肥的宗旨，點了一枱滿滿的菜！

食物選擇後先嚟兩個羅宋湯，配上個暖暖的餐包， 以跟餐質素已合格了！

之後就係我堅持要點的芝士蛇餅腸(個名我作嘅)

係餐牌中對他一見鐘情！

感謝朋友成全我的堅持....可惜是全晚分數最低的食物

可能我地掛住影相，把它冷落了！

香腸類還是要襯熱才美味，所以吃的時候我感覺不到芝士的味道了

下次我唔會再冷落你架！

好快就上德國鹹豬手，我們加了生菜，炸薯條，BBQ醬及泰式醬汁伴食！

賣相不錯，以BBQ醬汁喺碟邊寫上1950餐廳名字，頗有心思！

豬皮脆卜卜，雖然朋友說吃不慣它沒有黑椒味

但我反而覺得無其他餐廳咁鹹，吃到豬手的原味，絕對是我杯茶！

加上好似韓燒咁用生菜伴食，加埋伴碟的德國酸菜

口感清爽又可減低只食肉類的罪究感！

哩個新組合，誠意推介！

然後就到鐵板芝士豬仔肋骨出場啦(個名都係我作嘅！)

係全晚高潮所在！一上枱，咕嚕咕嚕滾起的芝士，眼看已叫人食指大動！

侍應也很用心教我們什拉起芝士以防黐底....但我實在太笨手笨腳了！

豬肋骨最後也卷上了厚厚的芝士，但仍有很多黐在鐵板上....

朋友跟我也覺得很可惜呢！XDD 

(兩位女孩有這麼貪吃嗎？) 

本身看餐牌時，覺得芝士配豬肋骨會很漏

但當入口時，甜辣的韓式醬跟香濃的芝士竟可相輔相成！

芝士中和了韓式醬汁的辣，韓式醬汁減低了芝士的漏

實在不可不試的一個菜色！而且相當下飯，若不是怕肥，早就ENCORE多一碟白飯了！

剩下的芝士汁，我們食薯條又點

食豬手又點....成為了我們今晚的萬用醬汁！

本想多叫一份厚多士作甜品，但這餐實在太滿足了！

喝了兩杯餐茶就捧著滿滿的肚子離開了.....

如果我係屯門居民，加以價錢考慮

應該會以此餐廳作飯堂吧！

臨走時看見鄰桌兩位女孩分吃著一碟意粉很美味似的

下次再嚟一定會試！

不得不提的是餐廳有著這樣的一個小小玩具角落

對於有小朋友的食客的確係一個好好0既安排呢!

Cafe 1950歐陸餐廳 Café 1950

屯門屯門鄉事會路2A號 H.A.N.D.S A區1樓A-128號舖

葡萄園餐廳~到澳門不可不試的葡國餐

五一家人話要到澳門走一敞順便探探小黃鴨

澳門的朋友一聽到就回答

"你們想自殺嗎?"

看完小黃鴨大家也累了

果然想找架車坐坐都無可能

便一行人操到這餐廳

順便到附近酒店坐SHUTTLE去氹仔再食過!

也不是第一次到這餐廳了

介紹來的朋友也無不讚不絕口

裡面的裝飾就好似歐洲古建築風味

用餐之餘, 氣氛真的很好

晚上來晚飯時在燭光的襯托下還很有氣氛呢

門口有著像徵葡國的公雞擺切

加點想像力幻想著自己到了葡國旅行吧

因還未到正式晚飯時間

所以只ORDER了這餐廳我自己認為最有代表性的兩樣菜色給家人淺嘗一下

焗馬介休忌廉薯蓉

這菜色的確是個好的配搭!

雖然濃味的馬介休加上淡味的薯蓉

但誰也搶不了誰的風頭!

加上忌廉滑滑的口感.....大家也食到唔停口呢!!

香港也有類同的食物嗎?

開始想念你了~

 這乳豬焗飯係暫時我係澳門食過最美味的!

葡式燒乳豬跟港式燒乳豬的最大分別

我想就係腌料的香味及豬皮的處理

葡式乳豬皮雖然沒有港式乳豬皮燒得香脆鬆化

但卻可以完美保留豬肉本身的肉味及肉汁

港式乳豬就因此而被比下去嗎?

錯了~

港式燒乳豬是香料的配合令肉味更上一層樓

加上燒之前對豬皮的特別處理

燒出0黎的香脆鬆化是葡式乳豬不能最代的

總知兩種豬都係本小姐最愛!!

離晒題添

講番哩碟乳豬焗飯吧!

除了面頭的乳豬美味之外

焗飯也不能錯過啊!

以葡式香腸粒炒過的飯

加埋菜莖切粒增加口感, 加上乳豬同焗

每一粒飯也包裹著燒乳豬的油香

有誰能抵抗這美味的誘惑呢 ??

香港一別多年....黃鴨又重臨豪江

胡廸又點會錯過?

再見啦.....可愛的小黃鴨!

溫馨小提示

是次我們在下午茶時段才可WALK IN用餐

如果想用餐時間到此餐廳

建議盡早訂位

以免摸門釘要失望而回啊!

葡萄園餐廳

Restaurante Vinha

宋玉生廣場(皇朝)宋玉生廣場411-417皇朝廣場393 AC舖