又就0黎到一年一度0既爸爸節
我就無咁幸福啦.....已經好多年無慶祝爸爸節0既福氣
適逢哥哥0既仔女好孝順話要幫哥哥做下節時
我哩個做妹妹0既就0黎沾沾福氣吧!
今次選了人氣韓星炸雞店~位於荃灣0既Goobne
係Citywalk1期地下
都幾OPEN喎, 而且無咩大枱
我地一行8人, 都等左半個幾鐘先等到全店唯一一張ROUND TABLE
想全家人0黎或者一大班朋友0黎潮聖就要諗一諗啦
\
難得一場0黎到
點都要同EXO......個紙板人影一影相0既
餐墊都係EXO....
哥哥問...做咩一個二個著爛褲?
哥哥....哩D叫型呀!
餐牌都係EXO....
其實哩間餐廳應該叫 <<EXO炸雞>> 吧
枱上面一早已擺好骨筒 / 即棄手套 / 鐵夾
方便大家分享美食
餐廳內可供選擇食物
其實選擇不算太多
但以炸雞店0黎講算不錯了
登登.....主角出場了!
姪女以慶爸爸節為由, 其實飲鯊魚為實!
哩杯0野個名都好勁架
叫做~<<鯊魚的眼淚>>!
有分含酒精及不含酒精兩款
是晚全場無酒精供應
我想大既還未辦好酒牌吧
但臨離開時, 卻見到對面枱再喝啤酒!
點解呢?
胡廸 : 鯊魚! 鯊魚! 你無事呀麻?
不如你叫<<鯊魚撞冰>>呀!
襯你呀!!
這特制雞蛋卷叫好又叫座!
以煎香0既蛋皮卷住平時韓式飯卷0既材料及紫菜
一人一個都嫌唔夠喉想再ENCORE呢!
但小小蛋卷索價$148
了解我們不ENCORE的真正原因吧.....
芝士炒年糕
鐵板唔算好熱, 但都有拉絲效果!
有韓式魚板及年糕外
下面還墊了一層韓國即食麵
索了韓式醬汁加埋香濃芝士
甚是惹味!
如果隻水煮蛋改為煎過0既半生熟蛋一定更為誘人!
店內有很多種類炸雞可選
這是果味蒜蓉脆香烤雞
烤雞? 不是炸雞嗎.....
anyway.....
好吃便是了....
但真的小了份在韓國食炸雞的香脆感
但香香甜甜的"烤"雞醬卻真的令人食指大動!
但....雞肉卻有我最不喜歡的腌粉味.....扣分!
蜜糖咖哩烤雞
點解我只食到蜜糖味0既?
oh....原來要配埋左手邊黃色0既咖哩醬先係全套0既蜜糖咖哩烤雞!
咖哩係日式0既甜咖喱香而不辣
但如果係炸雞不是烤雞我想感覺會更好
可能有咖哩味的幫助, 這款我反而不太吃得出腌粉味道
還是我太咀叼吧
跟一般韓國炸雞店一樣都有甜酸蘿蔔供應
好似都係任添0既
但本著不浪費的原則我們沒有添食
將緊有的胃容量留給枱上的食物吧!
迷你豬蹄
看他顏色平平無奇吧! 應該也只係香香甜甜的韓式味道!
引用我姪仔吃一口後的反應吧 : 嘩! 要提起畢生的勇氣才可吃下第二口啊!!
從來也不知道我姪仔是那麼的浮誇.....哈哈
辣度是有的, 但不用提起勇氣吧
又可能我是愛辣之人吧!
辣不辣.....就由大家自己評一評吧!
吃了那麼多肉, 總要吃點蔬菜均衡一下
(別裝吧....平時最不健康的為食姑娘!)
這雞肉沙律不算很出色, 由其炸雞塊, 應該係雞胸肉
本人甚是喜歡雞胸
但無估錯應該係店內另一口味炸雞款式
.....深層芝士烤雞!
我跟家人異口同聲地覺得
"太重口味了" 什麼說好呢?
芝士我們是喜歡的! 但這芝士粉不像芝士粉的味道....
我們寧願那是原味的炸.....烤雞好了!!
是烤雞~是烤雞~是烤雞~是烤雞~是烤雞~是烤雞~是烤雞~是烤雞~是烤雞.......
吃了一晚也改不了口!! XDDD
總括整個晚餐, 值不值嗎?
一家人聚在一起便是無價了!!
不用等位就更好!
雖然係KFC格局, 大餐廳收費...
但有樣不得不讚0既係WAITER們的服務真的很好很周到!
我們當中有小朋友也幫我們安排了有椅背的椅子
亦很樂意為我們拍下美美的全家幅
出外用饍有時好的服務真的可遇不可求呢
鯊魚: 撞冰呀啦!!
到我食晚餐啦~!!!
Goobne
荃灣楊屋道1號荃新天地一期地下G29號舖
沒有留言:
張貼留言