難得同朋友去大埔舊地重遊，又係時候搵地方食飯
大元附近好多地方都變了，變得不再熟識...
但環境比以前的確靚咗好多!
最後兩個大食姑娘選了火鍋放題
因有埋串燒任食
好! 就哩間啦!
飲品選擇其實都幾多，有韓國樂天飲品，hite啤酒，coca cola果D都有!
我比較喜歡店家自制0既山楂蘋果
起初我以為係酸梅湯
結賬時問店家才知係山楂蘋果
早知就多飲幾杯吧!
(小姐你是來喝湯還是吃東西?)
很快店家就奉上調味盤
一般有的調味都齊全了
有我最愛的辣椒碎! 大滿足!!
同朋友選了兩個鍋底
左邊 : 醉雞湯
右邊 : 椰子雞湯
邊一邊最好味? 兩邊都一樣咁好食!!
未放料之前同朋友係咁喪飲D湯~好過份呀!
(再0黎:小姐你是來喝湯還是吃東西?)
點了的食物上桌了! 任食0黎講質素絕對合格!
仲有好多選擇
任點單上還有很多我們來不及消化的
就等有心人去發掘一下吧!
看到水餃後面的兩粒疑似魚蛋嗎?
其實佢真正身份係 : 豆腐五花腩!
雖然佢叫做五花腩, 但其實佢有D似豬肉釀豆卜
口感好得意, 味道都好一流!
有機會0黎一定係必點之選!
打邊爐我好小食肥牛
我比較喜歡滑牛
貪其比肥牛更有質感
很怕有SODA粉味
但這間沒有這情況
無論落邊一邊湯底都好鮮
讚!
我最愛的串燒類
四季豆
燒得香脆, 會令人忍不住一口接一口
每次見到 "燒菠蘿"哩三隻字就會情不自禁
雖然唔係新鮮菠蘿
難得0既係都唔會燒得水滴滴
最後....我encore左唔知幾多次啦
好懷疑自己係食菠蘿食飽左
朋友話佢係孤獨的雞軟骨
就幫他叫多兩隻燒青口作伴吧
要大讚0既燒韮菜!
烤南瓜....我對你唔住!
我應該留番多D位比你架!
食燒烤什可不叫0既燒茄子?
老實講
比起早前到某戲柵要$25一條的有過之而無不及!
朋友期待已久0既鮮蝦!!
成隻碟咁長架
肉質仲好新鮮
無諗過任食有如此質素
又係再0黎必點之選!
煮熟後都無咩縮水
肉質鮮甜!
打邊爐點會唔叫蝦滑 / 墨魚滑呢?!
朋友話唔識欣賞0既豆干
我覺得好好味
豆干烤得香脆
咬開後入面有香蔥肉汁
只怪胃容量太小了!
食飽後到外面走走
朋友感慨大埔0既變遷
我就不忘將特色擺設影個痛快!
希望能在有日光的時間再來一次吧
四季名滬
大元商埸1樓平台6-7號舖
日期: 2016年6月16日
沒有留言:
張貼留言